تشيز كيكـ بكل الانوآعـ

ـآلسلآم عليكٌم ورحَمه الله وبَركَآته ..

ـصبآحكًم .\ مسـآئكًم تشيز كَيكَ ..

نًغوح للمنيو .


تشيز كيك الشوكولاته
.
تشيز كيك الفراوله البسيط
.
ميني تشيز كيك
.
ميني تشيز كيك اوريو
.
تشيز كيك محشي
.
تشيز كيك الرطب
.
تشيز كيك الشتلات
.
تشيز كيك المارشميلو





















تشيز كيك الشوكولاته











المقادير :
القاعده:
بسكويت جوزاء مطحون - زبده مذوبه - شوي قشطه
الحشو :
7 شوكولاته ارو - علبة قشطه - 8 جبن كيري - 3 بيضات - نصف كاس سكر - ملعقه صغيره فانيلا
التغطيه :
1 شوكولاته ارو + 4 ملاعق كريمة خفق

الطريقه :
- نفرك بسكوت جوزاء بالزبده وملعقة قشطه تقريبا لين يتكون عجين متفتفت ونرصه بصينية لها قاعده متحركه
- بحمام مائي نذوب الارو مع القشطه ونخلطه مع باقي مقادير الحشو بالخلاط ونصبه بالصينيه وندخله الفرن لحد مايتماسك بعدها ندخله الثلاجه ساعتين
- نخلط الشوكولاته مع الكريمه على النار ونتركها تفتر بعدين نصبها ع التشيز كيك ونرشها بفليك مفتفت (ضروري تحطون شوكولاته فوق لأن حلاه متوسط واذا حطينا الشوكولاته بيزيد حلاه ويطلع تماااااااااااام .. انا ماحطيت وطلع حلاه ناقص )
ندخله الثلاجه لحين التقديم

تشيز كيك الفراوله البسيط







سميته بسيط لأنه سريع وبسيط وينفع وقت الزنقه واهم شي طلباته موجوده بالبقاله ... يعني مايحتاج تضربين مشوار للسوبر ماركت وتقدرين تغيرين النكهه بحسب ماتحبين

المقادير :
القاعده : كيك سويسرول فراوله (الكميه حسب حجم الصينيه )
الحشو:
علبة جلي فراوله - كوب ماء - 3 باكيت دريم ويب - علبة قشطه - 12 جبن كيري
التغطيه :
جلي فراوله - كوب ماء حار

الطريقه :
نقطع الكيك شرايح ونصفه بصينية قاعده متحركه
نخلط جلي الفراوله مع كوب المويه على النار لحد مايغلي بعدين نخليه يفتر
نخفق باقي مقادير الحشو ثم نضيف الجلي ونخفق ثم نصبه ع الكيك وندخله الثلاجه لحد مايتماسك
نخلط مقادير التغطيه ع النار لحد ماتغلي ونخليه يفتر ( لازم يفتر عشان مايحوس عليك شكل الحلى مثلي )
نصبه ببطء على الوجه بواسطة ملعقه ونتركه بالثلاجه لحين التقديم
ممكن تسوين مثلي وتقطعينه بالقطاعات بيطلع شكلها حلو بالتقديم

ميني تشيز كيك






المقادير :
القاعده : اي بسكويت دائري بحجم اوراق البليسيه (استخدمت ريتز المالح )
الحشو : 12 جبن كيري - ثلاث ارباع كوب سكر بودره - 3 بيضات - فانيلا
التغطيه : باي فيلينج بالفاكهه اللي تحبين ( انا اعشق البلوبيري واستخدمته )

الطريقه :
نصف قوالب البليسيه بصينية الكب كيك ونحط البسكويت كطبقه اولى
نخلط مقادير الحشو ونحطها ع البسكويت
ندخله الفرن لحد مايتماسك وبعدين بالثلاجه ساعتين
نغطيه بالباي فيلينج ونتركه بالثلاجه لحين التقديم








ميني تشيز كيك اوريو












طريقته نفس الميني تشيز كيك مع بعض الاختلاف

المقادير :
القاعده : بسكويت اوريو بدون كريمه (يعني البسكوته افتحوها وشيلو الكريمه واستخدموا جزء واحد بس )
الحشو : 12 جبن كيري - ثلاث ارباع كوب سكر بودره - 3 بيضات - فانيلا
التغطيه : شوكلت سيرب (هيرشي ) - اوريو مكسر

الطريقه :
نصف قوالب البليسيه بصينية الكب كيك ونحط البسكويت كطبقه اولى
نخلط مقادير الحشو ونحطها ع البسكويت
ندخله الفرن لحد مايتماسك وبعدين بالثلاجه ساعتين
نغطيه بالهيرشي والاوريو ونتركه بالثلاجه لحين التقديم

تشيز كيك محشي







المقادير :
العجينه : باكيت بسكويت شاي مطحون - قشطه
الحشو : 6جبن كيري - 4 ملاعق سكر بودره - 1 ملعقه عصير ليمون - باي فلينج اللي تحبين
الطريقه :
نعجن العجينه والقشطه حطيها بالتدريج لحد ماتصير عجينه متماسكه
نبطنها بقوالب وبطنيها بنايلون قبل عشان تطلعينها بسهوله (يفضل قوالب اللي تكون اشكال احلى بالتقديم )
نخلط الجبن مع السكر والليمون
بنهاية القالب نحط شوي باي فيلينج ثم الحشو ثم نغطيها بباوند كيك بحجم القالب
نتركه بالثلاجه تتماسك وقبل التقديم نقلبها







تشيز كيك الرطب









لذييييييييييييذ وبينبسطون عليه كبار السن يذكرهم بعبق الماضي

المقادير ( هنا كلها حسب الصينيه )
القاعده : بسكوت دايجستيف - زبده مذوبه - شوي قرفه مطحونه
الحشو : تمر رطب نشيل النوى وتقسمه نصين - جبن كيري كل مكعب نقسمه اثمان
التغطيه : توفي بالطريقه اللي تحبينها

الطريقه :
- نخلط مقادير القاعده لحد مايتكون عجين متفتفت ونرصه بالصينيه
- ناخذ التمر اللي قسمناه ونحشي كل جزء بالجبن ونصفه بالصينيه
- نصب التوفي وندخله الفرن لحد مايتماسك
-قبل التقديم نرشه بسمسم او لوز مبشور ونقدمه دافي






تشيز كيك الشتلات









اخذت فكرته من حلى الشتلات بس والله طلع الذ واطلق منه بمليون مره

المقادير:
اوريو مطحون مع الكريمه
باي فيلينج
الحشو ( 8 جبن كيري - كوب كريمة خفق - نصف كوب سكر بودره نخفقهم مع بعض )
كاسات القهوه البلاستيك الصغيره

الطريقه :
نحط بنهاية الكاس ملعقة اوريو مطحون
شوي من خليط الحشو (واحسن نستخدم قمع التزيين عشان مايتعب)
شوي باي فيلينج
ومره ثانيه نحط حشو
واخر شي اوريو مطحون
وممكن نزينه بأغصان نعناع عشان يضبط شكله شتلات






تشيز كيك المارشميلو









غريب وجديد لأن المارشميلو يقوم مقام الجيلاتين

المقادير :
القاعده : بسكوت دايجسف +زبده ( انا الكاسات اللي استخدمتها صارت بحجم البسكوت فما احتجت اكسره )
الحشو: 200 غ مارشميلو ابيض ( استخدمت كيس ونص )- ثلاث ارباع كوب حليب سائل - 250 غ جبن فيلا دلفيا (استخدمت علبة صغيره فيلادلفيا و5 جبن كيري ) - 1 كوب كريمة خفق

التغطيه :
باي فيلينج - ميني مارشميلو

الطريقه :
نرص البسكوت وندخله الفريزر شوي يتماسك
نذوب المارشميلو مع الحليب ع النار لحد مايذوب ونتركه بفتر بعدين نخلطه مع باقي المقادير ونصبه ع البسكوت وندخله الثلاجه لحد مايتماسك
نغطيه بالباي فيلينج والميني مارشميلو ( )
وبالعافيه